FUNSHOP OUTDOOR X SOFE COFFEE 山系咖啡生活祭
時間: 2021年12月1日至2022年2月28日(為期3個月)
地點: 沙田新城市廣場
去露營點少得飲咖啡呢？今次Funshop Outdoor連同素啡工場一齊合辦左一個山系咖啡生活祭，設於沙田新城市廣場1期1樓戶外平台Pets Park，接近2500呎既戶外場地！
山系咖啡生活祭以城市露營為概念，係人流眾多既沙田新城市廣場設立一個舒適、休閒既露營場地，行商場行到攰，買杯咖啡坐係帳篷入面慢慢感受，放慢平時急促既生活節奏。
現場設有六隻不同款式既帳篷及天幕，提供超過20個座位，一家大細、情侶或朋友可以一同感受氣氛，體驗露營樂趣，順道計劃展開露營旅程。平日亦不乏公司團隊及學生組織選擇前來開會討論，轉換新環境，隨時激發到更多新思維！唔知會唔會有一日興起WORK FROM WILD呢？
露營從來都唔係一件容易既事，需要花心機研究裝備，每次出發時既搬運過程，搭設所花費既大量時間及氣力⋯⋯但點解大家仍然熱衷於露營？因為可以同你最親的人坐係天幕下，邊食邊傾計，與外界的輕斷絕，促使你地之間既關係更進一層。而喺沙田既咖啡生活祭，我地為你省卻前期煩惱。你只需花心機去素啡工場挑選你最喜愛既咖啡豆，然後由專業咖啡師為你調製出一杯靚啡，拎啡入座。拎住呢杯咖啡走入你心儀既帳篷中坐低，同你既家人或者朋友過一個慢活下午。
今次活動令我地認識左唔少既新面孔。唔少客人都話未曾嘗試過露營，今次活動令佢地可以簡簡單單體驗露營既樂趣，激發佢地去計劃自己既旅程。特別鳴謝素啡工場是次活動既合作邀請，亦感謝現場工作人員每次在我們設營後都送上一杯暖意濃濃既咖啡，期待日後再有合作機會！
除此以外，我地更加與素啡工場合作推出了限量100個洪都拉斯露營戶外咖啡袋，全部收益不扣除成本捐贈至SAA 保護遺棄動物協會，支持機構服務工作，為有需要既動物提供協助。
